Monday, June 05, 2006

Balon ng kuwarta

(for PINAS WEELKLY, June 12-19 issue)

NAMPUTSA, nag-aaway na naman ang mga handlers ni Manny Pacquiao.
Pinag-aagawan ang isang BALON NG KUWARTA.
----$$$---
PAG nagkataon, madidistorbo na naman ang konsentrasyon ng ating kampeon.
Ano kaya ang mabuti niyang gawin sa kanyang mga "managers"?
Aba’y dapat na bigyan niya ng kombinasyon ng UPPER CUT at LEFT HOOK ang mga duhapang.
-----$$--
MAGANDA ang ipinamalas ng RP Women’s Chess Team sa katatapos na 37th Chess Olympiad.
Magbubunsod ito upang maakit ang mga Pinay na maglaro din ng chess.
-----$$$---
ISIPIN mong makalaro ng batang si Mark Paragua si two-time World Chess Championships Challenger Viktor Korchnoi ng ex-USSR.
Kahit natalo si Mark, hindi nakamarka na rin siya sa kasaysayan ng world chess.
-----$$$---
KAHIT pa nai-takeover na ng National Chess Federation of the Philippines (NCFP) ang liderato ng chess mula sa nabuwag na Philippine Chess Federation (PCF), tameme pa rin ang grassroot development ng chess sa mga kanayunan.
Mahirap talagang maghanap ng matitinong sports leaders.
-----$$--
NAKATAKDANG balasahin ang Philippine Chess Commission (PSC).
Hindi sapat ang pagbalasa dito.
May mainam kung bubuwagin.
-----$$--
MAINAM pa ang sinibak na ang chairman ng Philippine Racing Commission (PRC).
Hindi kaya maintriga rin ang kanyang kapalit na si Popoy Fianza?
Mahirap kontrolin ang mga sugarol.
-----$$$--
PINANINIWALAANG isang "jueteng war" ang nagaganap matapos tangkang patayin si Batangas Gov. Armand Sanchez.
Nag-aagawan sila sa multi-milyong pisong TABO sa jueteng.
----$$$---
PINABAGSAK ng Dallas Maverick ang Phoenix Suns, 102- 93 sa Western Conference finals upang makaakyat sa National Basketball Association (NBA) Finals sa unang pagkakataon.
Naghaharap ngayon ang Mavericks at Miami Heat sa best-of-7 championships series.
---$$$--
SA pagpasok ng NBA Finals, walang duda na sinasapawan nito ang mga sports events sa Philippine television.
Pero, huwag ka, hindi nito kayang sapawan ang nakatakdang Pacquiao Larios duel kahit wala itong kuwenta.
-----$$$---
MARAMI na namang tsikas ang MAGWATER-WATER kina Dirk Nowitzki at Jason Terry na nagsilbing bayani ng Mavericks.
Tiyak na marami na ang male-LATE ang pumasok sa mga opisina at maraming estudyante ang magi-SKIP sa klase.
-----$$$--
MAGLULUNSAD ng serye ng mga boxing championship sa buong Mindanao upang makatuklas ng mga bagong talento sa ibabaw ng lona.
May TAMA kayo dyannnn!
------30--

Monday, May 29, 2006

Kurapt

(for PINAS, June 1-7)


PARANG manok na tinetepok ang media.
Isa sa kontrobersiyal na kaso dito ay ang pagkakapatay ng isang “bodyguard” ni Manny Pacquiao sa isang radio reporter sa General Santos City.
Walang malinaw na ulat hinggil dito.
Hindi pa nareresolba ang kasong ito.
Natatakot kaya ang mga awtoridad kay Pacman.
Ayaw nilang makatikim ng LEFT HOOK ng kampeon.
-----$$$---
LINGID sa kaalaman ng marami, hindi rin ligtas ang mga sporswriter o sportcolumnist sa banta ng pagpatay.
Kahit ang inyong abang-lingkod ay nakatikim ng pagbabanta nang IBINUNYAG ko ang “katiwalian sa loob ng Philippine Basketball League (PBL) ilang tao na ang nakararaan.
Sa totoo lang, kayrami ring CORRUPTION sa larangan ng sports pero hindi ito nabubunyag.
Akala kasi ng marami ay MALINIS na larangan ang sports.
Hindi po totoo yan.
----$$--
NAKAKALIGTAS lang sa “mata” ng publiko ang corruption sa sports, dahil “sport kuno ito”.
Ang paglikha sa Philippine Sports Commission (PSC) ay isang klase ng pagnananakaw ng pera ng bayan.
Multi-million-peso ang budget ng PSC-- ay ang pagre-release nito sa mga national sports associations (NSAs) ay kaduda-duda.
Ito ang dahilan kung bakit “pinag-aagawan” ang liderato ng mga NSA.
Ito ay upang makakurakot mula sa pondo ng PSC, siyempre kakutsaba ang ilang ehekutibo dito.
----$$--
KABILANG sa dapat imbestigahan ang “simpleng purchase ng mga equiptment”, kontrata sa mga renobasyon na lagi na lang “renobasyon ng renobasyon” nang walang katapusan.
Kontrata sa general services o janitorial at security guards.
Biyahe ng mga atleta sa ibang bansa.
Pagkuha ng mga “foreign coaches”. Puwede kasing “taxi driver” lang ay naging consultant na ng PSC.
Pinakamalala dito, walang naitutulong ang PSC upang makatuklas ng MAHUHUSAY na manlalaro ang Pilipinas.
At saan napupunta ang “rental fees” na nakokolekta ng PSC mula sa mga sport venues tulad ng Rizal Memorial Sports Complex (RMSC), baseball field, ULTRA complex at iba pa.
----$$--
ANG mga NSA's naman ay nagso-solicit ng mga PRIVATE SPONSORS at ginagamit ang mga “national athletes” upang tumabo ng malalaking halaga.
-----$$--
PERO ang corruption sa sports ay hindi natatapos sa PSC at mga NSAs, kundi maging sa mga pribadong organisasyon tulad ng Philippine Basketball Association (PBA) at PBL.
Hulaan ninyo kung bakit nakapasok sa Pilipinas ang mga PEKENG FIL-FOREIGNERS.
Hindi ba't malaking KUWARTA yan.
At hindi malayong kakutsaba mismo dito ang ilang PBA officials o employees.
----$$--
SA PBL, bagaman, kuwarta ng mga “galit sa pera” o mga korporasyong nagtatapon ng salapi dito, siyempre, nayayari din ang “pondo” nang walang kalaban-laban sa mga kaduda-dudang expenses.
Ang prinsipyo kasi'y ay basta na lang “magkaroon ng torneo” at hindi na iniisip at ginagamit nang “mabuti ang operation expenses”.
Kumbaga, “PERA-PERA” na lang ang laban ay walang seryosong inobasyon o programa PARA SA MASA ang ginagawa ng mga nangangasiwa.
Kapag hindi ginamit sa MABUTING PARAAN ang pondo—pribado o publiko man ang organisasyon o tanggapan—ISANG KLASE RIN ITO NG CORRUPTION.
At hindi nalalayo dito ang larangan ng sports.
------30--

Monday, May 22, 2006

Pinadelikadong sports

SAKYOD-KALIKOT
Ni Rainier Francisco


PUSPUSAN na ang ensayo ni Manny Pacquiao sa Wild Card Gym ni American Trainer Freddie Roach sa California.
Kinansel na ang ensayo sa Baguio City.
May TAMA kayo dyan!

-----$$--
AYON kay Marco Antonio Barrera, one-sided fighter daw si Pacman.
Pag tinamaan ka naman ng sinasabi mong ONE-SIDED, maga na naman ang ONE-SIDE ng MUKHA mo.

------$$--
NAGKAMPEON si Santy Barnachea sa Padyak Pinoy cycling tour.
Ay salamat, nairaos din ang pagbuhay sa Tour of Luzon kahit NAGDAAN SA BUTAS NG KARAYOM.
Ano naman kaya ang nangyari sa isa pang “cycling tour” ng isang “BREAK-AWAY GROUP” ng mga cycling organizers?

----$$--
TATLONG Pinoy Mountain Climbers ang nakapagtarak ng BANDILA NG PILIPINAS sa pinakaituktok ng Mt. Everest—pinakamataas na bundok sa ibabaw ng lupa.
May balita na HINDI malaman ngayon, KUNG PAPAANO NAMAN SILA BABABA.

----$$$--
ISANG sports events ang MOUNTAINEERING—at ito raw ang pinakamahirap na sports discipline.
Ito rin daw ang PINAKABANAL sa lahat.
Kasi’y pag-AKYAT mo MAPAPALAPIT ka langit NANG AKTUWALat ISPIRITWAL baka ka kasi madulas at MATEPOK.

----$$$--
PERO, hindi totoong iyan ang pinakadelikadong sports discipline.
May mas mapanganib pa ba sa DIVING—na eksperto naman ang mga BADJAO sa Mindanao.
SISINISIDSID nila ang PINAKAMALALIM NA DAGAT—kayang ilubog ang dalawang laki ng Mt. Everest!
Pinoy lang din ang nakakagawa niyan.

----$$-
SA sobrang pagdarahop ng buhay sa Sulu at Celeces sea sa Mindanao, kapag naghagis ka ng PISONG BARYA sa dagat, sisirin agad yan ng mga BATANG BADJAO.
At alam ba ninyong, hindi MAKUKUHANG MAKABABA ng barya—dahil aabutan sila ng mga Pinoy swimmers habang nalaglag sa ilalim ng dagat.
Ganyan kahusay ang mga Pinoy.

----$$$---
LUMALABAN ngayon ang mga Pinoy sa World Chess Olympiad.
Pagbutihin ninyo mga iho!
Ingat kayo sa mga PROSTI dyan sa Europee.
Baka MAGPASALUBONG pa kayo ng STDs.
Este, baka magkaroon kayo ng ka-STEADY na foreigners.
---30---

Monday, May 15, 2006

NSAs palpak

KADYOT-KALIKOT ni Rainier Francisco
(For Pinas weekly)

HEAD:Palpak na NSAs

NATULOY rin sa wakas ang Padyak-Pinoy cycling tour.
Isa ang cycling sa mga kontrobersiyal na national sports association (NSAs).
May tatlong paksiyon ang mga ito mula sa Philippine Cycling Association of the Philippines (PCAP) na inorganisa noon nina Atty. Cornelio Padilla Jr. , Rep. Mat Defensor at Pacquito Rivas.
Binago na ang pangalan nito at ang ilang lider siklista ay nagbuo ng hiwalay na pangkat.
Nawawasak ang mga NSAs dahil sa komersiyalisasyon ng cycling na tulad din sa basketball ay “ninenegosyo” ng ilang oportunistang sports leaders.
Mula nang iwanan ng Marlboro at Philippine Morris Philippines ang pagiging title sponsor ng Tour ng Pilipinas, nagkawindang-windang na ang Philippine cycling.
Sa ngayon, pinagsanib na ang professional at amateur cycling pero nananatili pa rin ang intriga at kaguluhan.
Wala linaw kung hanggang kailan magugulo ang Philippine cycling.
Para kay Atty. Padilla, higit na mahalaga ay magkaroon ng walang patid na cycling competition ang mga siklista upang patuloy silang mahasa.
Taliwas naman sa ibang NSAs, pinatatakbo ngayon ang cycling competition ng mga dedikado at aktuwal na mga cycling greats sa nagdaang panahon.
Para sa mga organizers ng Padyak- Pinoy, congrats!

-----$$---
NAGUGULO na rin ang Amateur Softball Assocition of the Philippines (ASAPHIL).
Puwersang nagbalik sa poder ng ASAPHIL si dating Pasig City Mayor Mario Raymundo.
Agarang naghalalan kasama si baseball great Filomeno “Boy” Codinera.
Iniwanan kasi ni ex-Manila Rep. Harry Angpin ang liderato ng ASAPHIL, kaya’t sinagpang agad ni Raymundo.
Pinag-aagawan din ang liderato sa ASAPHIL, kasi’y nakakokobra ng pondo ang mga ito mula sa Philippine Sports Commission (PSC), tuwing may international competition.
Alam naman natin, “palakasan” ang release ng pondo sa PSC.
At iyan ay isa sa mga “simpleng raket” ng mga sports leaders.

-----$$--
NAWAWASAK rin ang Philippine Bowling Congress (PBC), NSAs naman para sa bowling.
Ito ay dahil sa mga palpak na pangangasiwa ng mga NSAs officials.
Matagal nang inirereklamo ni four-time World Cup champion Paeng Nepomuceno ang mga bowling officials pero hindi pa rin nareresolba ang mga problema.
Nakakaangat at nahasa si Paeng, hindi sa tulong ng PBA, kundi sa personal na pagsisikap at mula sa tulong nga pribadong sektor partikular ang pamilya Puyat.
------30----

Monday, May 08, 2006

PINAS SPORTS column

From: Rainier Francisco, KADYOT-KALIKOT


Head: Sugal ang susi

INAASAHANG maibabalik ni Manny Pacquiao ang Golden Age ng boxing sa Pilipinas sa taong ito.
Marami ang naniniwala na isang “palabas” lang ang laban ni Pacman kontra kay Oscar Larios.
Malabong manalo si Larios at nagiging delikadong kalaban lang siya mula sa “press release” ng mga bayarang writers upang dumugin ng tao ang Araneta Coliseum.
Kapag kasi lumitaw sa media na mahinang klase si Larios, hindi ito panonoorin at magkakasya na lamang ang mga “rich” sa telebisyon.
Sa bagay, buhay na buhay ang mga ilegalista sa bansa kaya’t walang duda na mapupuno ng mga “lords” ang ring side ng Big Dome—drug lord, gambling lord, prostitution lord, human trafficking lord, at iba pa.
Kumbaga, kahit TSONGGO—ang isagupa kay Pacman, panonoorin pa rin ng mga “GALIT SA PERA”.

----$$--
ALAM ba ninyong nabuhay ang boxing dahil sa “illegal gambling”.
At sa maniwala kayo o sa hindi, garapalan ang pustahan sa Araneta Coliseum, higit pa sa dambuhalang cockfighting derby.
Sino ngayon ang maysabi na bawal ang sugal?
Kung walang pustahan ang mga “boxing matches” sa Visayas at Mindanao—walang isisilang na Manny Pacquiao at kahit pa Flash Elorde.
Hindi matanggap ng mga nagtitinu-tinuan na ang “sugal” ay bahagi ng tradisyon—hindi lamang sa Pilipinas kundi maging sa buong mundo.

----$$--
BAKIT ba sumikat ang isang Efren “Bata” Reyes, Django Bustamante, Amang Parica at iba?
Iyan ay dahil din sa lantarang pustahan sa billiard hall.
Alam yan ng mga apisyonados.

---$$--
PAANO sumikat si Paeng Nepomuceno?
Aba’y big time din ang pustahan sa bowling!

-----$$--
KAHIT ang damit ni Jesus Christ ay pinagpustahan ng mga Eskriba’t Pariseo.
Matanda pa sa kahit saang gobyerno ang sugal.
Hindi maaaring manatiling illegal ang sugal sa habang panahon!
Pustahan tayo!
------30---

Friday, October 07, 2005

kontest sa puntod

Pilosopong pacio (08Oct05)


BANTAY-SARADO ngayon ang pulisya sa mga nagpapa-CONVERT bilang Muslim.
No.1 suspek agad sila bilang terorista.
Lintekkkk!

---$$--
IBINUNYAG ni Sen. Pong Biazon na may 10 top officers ng AFP ang magpapatotoo sa 2004 election fraud.
Tumestigo sila sa BUWAN.
Huhhh, pupunta sila kay Mike Enriquez?
Getz mo?

---$$--
KITANG- KITA ang pamamalo at pananakit ng pulisya sa mga demonstrador.
Ito na yata ang pinakawalanghiyang dispersal team.

----$$---
MAY balita na hindi na raw nakakatulog si Ate Glo.
Baka naman NAGBIBILANG kasi siya ng SANDAMUKAL na BARYA.

----$$$---
ITINUTURO ni Bro. Eddie si Big Mike na siyang NANGGIGIPIT sa kanya kaugnay ng kasong libelo.
Huhh, lumalala na ang SITWASYON.

----$$--
KAPAG nakalaboso si Bro. Eddie, maiaangat na ang ANTAS NG KANYANG PERSONALIDAD—sa pedestal na nais niyang marating noong siya’y isang aktibista.
Mula sa pagiging religious leader ay magiging isang GANAP NA POLITICAL FIGURE.
He, he, he, yan mismo ang PANGARAP niya.

---$$--
KANGINONG puntod kaya may pinakamaraming KANDILA at BULAKLAK sa Undas?Kay Daking o kay ex-Sen. Raul Roco?Kahit sa PANTIYON, ay nagko-CONTEST ang dalawa/

----$$$---
DELIKADO ang bisperas at araw mismo ng Todos Los Santos sa administrasyong Arroyo.
Mag-uuwian kasi ang mga sundalo at masyadong magiging tahimik ang paligid.
Tipikal na TAYMING ito sa KUDETA.
---30---

sportsnews, SAKSI (08OKT05)

banner/saksi: 3 THAI OLYMPIC MEDALISTS SABAK SA SEAG

ILALAHOK ng powerhouse na Thailand ang tatlo sa
nag-uwi ng medala noong nakaraang taong Athens
Olympic upang idiskaril nito ang paghahangad ng host-Pilipinas na maghari sa
darating na 23rd Southeast Asian Games.

Ayon kay Dr. Supitr Samahito, ang chef de mission ng
Thailand, sa isinagawang farewell dinner para sa mga
SEA Games heads of delegation, isasama nila ang
tatlong weightlifters na nag-uwi ng isang Olympic gold
at dalawang tanso upang paigtingin ang labanan at
bigyang prestihiyo ang kada dalawang taong torneo.

“Yes, we will send three of our Olympians. It will be
part of their preparation to the coming Asian Games in
Doha, Qatar next year and also in the coming Beijing
Olympics in 2008. Also, to add glitter to your staging
of the Games,” sabi ni Samahito.

Matatandaang humablot ang Thailand ng limang medalya
sa women’s weightlifting sa Athens noong nakaraang
taon at muli ay ipapadala nitoa ng humakot ng ginto sa
165 lbs kategorya na si Pawina Thongsuk, si Aree
Wiratthaworn na nagwagi ng tanso sa 106 lbs at si
Wandee Kameajon na ang-uwi din ng tanso sa 128 lbs.

Ang Thailand, na siyang kauna-unahang bansa sa SEA na
nagwagi ng ginto sa Olimpiada, ay hindi pa naman umano
nakakapgdesisyon kung ipapadala nitoa ng taekwondo jin
na si Yaowapa Boorapoichai na angwagi ng tansong
medalya sa Athens sa women's flyweight.

Ang Vietnam, na siyang nagtatanggol na overall
champion, ay hindi naman ipapadala ang kanilang
taekwondo jin na nagbigay din sa kanila ng tansong
medalya sa Olympics dahil sa kakakasal pa lamang nito
noong nakaraang buwan. ANN ENCARNACION
-30-
banner/bomba): DEVANCE: TOP PICK SA PBL

TULAD ng inaasahan, napili ng Toyota Otis ang 6-7 na
Fil-Am na sentrong si Joe Calvin Devance ng University
of Texas-El Paso bilang top pick sa rookie draft ng
Philippine Basketball League noong Miyerkules sa
Penthouse ng
Philippine Stock Exchange Building sa Pasig City.
Nakuha ng Knights ang serbisyo ni Devance dahil ayon
kay head coach Louie Alas, kailangan siya ng isang
sentro upang tumulong kay Mark Andaya sa inside game
ng koponan.
Ang iba pang mga pambatong draft picks na napili sa
first round ng PBL Rookie Draft ay sina Kelvin de la
Pena ng Harbour Centre, Japeth Aguilar ng Granny Goose
at Tristan Veranga ng Welcoat Paints.
Bukod kay De la Pena na naging Rookie of the Year ng
NCAA noong isang taon, inaasahang kukunin din ng Port
Masters ang ilang mga manlalaro ng University of the
East para mapalakas ang kanilang roster para sa PBL
Heroes Cup tulad nina Marsie Arellano, Bonbon
Custodio, Luis Palaganas at Mark Borboran.
Ang head coach ng UE na si Dindo Pumaren ay magiging
head coach din ng Harbour Centre sa PBL bilang kapalit
ni Tonichi Yturri na nahirang bilang team manager ng
Port Masters.
Gagawin ang opening ng PBL Heroes Cup sa Oktubre 29 sa
La Salle Greenhills Gym sa San Juan at mapapanood pa
rin sa Studio 23 ng ABS-CBN Sports ang mga laro ng PBL
tuwing Martes, Huwebes at Sabado.
“We decided to name our conference as the Heroes Cup
so that we can honor all Filipinos who deserve to be
heroes,” sabi ni PBL Commissioner Chino Trinidad.
JAIME UY
-30-
TSIKAS AT BOLA (BOMBA LANG)

NI JAMES TY III

MARICAR ALIS NA SA SHOWBIZ

NOONG laro ng Alaska at Sta. Lucia sa PBA Super Fiesta
Conference sa Araneta Coliseum ay nag-usap ang inyong
lingkod sa aktres na si Maricar de Mesa na girlfriend
ngayon ni Don Allado ng Aces.
Sa aming pag-uusap kay Maricar ay sinabi niya sa amin
na tuluyan na siyang magpapaalam sa showbiz dahil
mukhang secure na yata siya kay Allado at kulang na
lang at magpapakasal na ang dalawa.
Tutal, matagal na ang nagiging samahan nina Maricar at
Allado na nagsimula noong 2002 nang mainit pa si
Maricar sa mga sexy movies.
Kaya nga napapansin na namin na hindi na gaanong
aktibo si Maricar sa showbiz at pagkatapos na
sandaling naging semi-regular siya ng Wowowee ng
ABS-CBN ay lie low na siya.
Umalis na si Maricar sa kanyang dating manager na si
Dondon Monteverde kaya hindi na siya masyadong
nagpapakita sa telebisyon.
Dating nagbida si Maricar sa mga pelikulang Bedtime
Stories at Nympha bago siya nagkatuluyan ni Allado.
Sa nabanggit ding laro ay nakita namin si Kyla kasama
ang pamilya ng kanyang boyfriend na si Rich Alvarez na
umiskor ng anim na puntos laban sa Sta. Lucia Realty.
Tulad ng sinabi natin noon, wala nang makakapigil sa
relasyon nina Kyla at Alvarez na nagsimula noong isang
taon.
Siyanga pala, wala si Kyla sa susunod na laro ng
Alaska laban sa Red Bull sa Linggo dahil nasa Davao
City siya kasama ang iba pang mga artista ng GMA-7
para sa Grand Kapuso Fans Day na gagawin doon.
-30-
SPORTSLIFE (SAKSI LANG)
ED ROQUE

MAINGAT NA SI PACQUIAO

HANGGANG ngayon ay malabis na dinramdam pa ni Manny
Pacquiao ang masakit na katalunang sinapit niya noon
sa kamay ni Erik Morales ng Mexico. Ito'y sa kabila ng
katatapos pa lang na panalo niya na masasabing isang
very convincing victory laban sa isang African na si
Hector Velasquez via 6th round knockout.
Sa ilang mga huling pahayag ni Manny, sa nalalapit na
pagsisimulang raw muli ng kanyang training para sa
kanilang rematch ni Morales sa Enero 21 ng papasok na
taong 2006, hindi na lamang basta papasukin sa loob ng
kanyang training camp sa US ang mga boxing fans dahil
may hinala siya pati na ng kanyang goreign coach and
trainer na si Fredie Roach and his staff, na may mga
nag-eespiyang mga mexicans sa kanyang training. Ito
raw ang nangyari bago dumating ang laban nila noon ni
Morales kaya halos lahat ng kanyang style at taktika
sa laro ay tila nakunan ng footage sa panahon ng
kanyang pagsasanay.
Tiniyak ni Manny sa harap ng media na isang malaking
paghihiganti ang kanyang isasagawa sa muli nilang
pagsasagupa at halos ay siguruhin niya sa lahat ng
naroon na mababawi niya ang kanyang katalunan noon kay
Morales.

SUBHEAD):
PARANGAL NI PGMA

SAMANTALA, nasaksihan natin ang naging napakarangyang
parangal na ginawa sa bansa para sa tatlong victorious
Pinoy boxers na sina Pacquiao, Ray “Boom Boom”
Bautista at Brian “The Hawaiian Punch” Viloria lalo na
ang ginawa ng Pangulong GMA sa tatlo nang bumisita
sila sa Malakanyang.
Masidhing pinapurihan ng Pangulo ang tatlong boxers na
aniya'y isanng magandang halimbawa nng tapang at
kabayanihan ng mga Pilipino. Ang pang-welcome sa tatlo
ay maihahalintulad sa isang red carpet welcome na
ginagawa lamang ng Palasyo sa mga bumibisita ritong
heads of state.
Kaya lang, sa isang bahagi ng speech ni PGMA ay
naihalintulad niya ang nakuhang karangalan ng tatlong
boxers sa bagong Pinay Miss International na si
precious Lara Quigaman at kay Alex Pagulayan na isang
Fil-canadian billiards player na naghatid din ng
karangalan sa bansa.
Pero ang malungkot, nakalimutan ng Pangulo na bago si
Pagulayan y dapat naalala niya ang dalawa pang
legitimate at purong Pinoy na hinahangaan sa digdig sa
larangan ng bilyar-sina Efren “Bata” reyes at
Francisco “Django” Bustamante, na kapwa naunang
naghatid ng karangalan sa bansa bago pa man lumutang
ang pangalan ni Pagulayan.
-30-
HEAD::FEU: BACK-2-BACK MEN'S VOLLEYBALL CHAMP

NASUWAG ng Far Eastern University (FEU) ang ikalawanng
sunod na UAAP men's volleyball title makaraang gapiin
ng Univerity of Santo Tomas (UST) at makumpleto ang
two-game sweep, kamakalawa sa UP College of Human
Kinetics gym.
Nakuha ng Tamaraws ang tagumpay nang na-block nina
Jessie Lopez at Darwin Caganda ang kill ni Growling
Tigers spiker Reny John Balse.
Tinangka ni Charles Reyes na isalba ang bola sa
pamamagitan ng isang dig subalit ito ay na-outside na
siyang naging tungtungan upang iselebra ang ika-25
kampeonato ng FEU ang winningest men's volleyball
squad ng liga.
Puso na ng player ang nagpanalo sa amin, bakita namin
na kontrolado na namin ang tempo ng laro sa fourth
set,” wika ni Tamaraws mentor George Pascua.
Sa isang eror ni Robertly Boto ay lumapit ang FEU sa
pagkopo ng fourth set,24-22, nang nakakuha ang UST ng
malaking break nang makagawa ng service error si Jan
Penaranda upang makalapit ang Espana spikers sa 23-24.
Malaking susi sa kabiguan nng Growling Tigers ay ang
kabiguan nilang masawata ang matinding opensa nina
Edjet Mabbayad,best spiker at tournament Most Valuable
Player Jeremy Pedegrosa at Jun-jun dela Cruz sa
krusyal na fourt set na siyang dahilan upang makontrol
ng Tamaraw ang tempo ng laro.
Nakuha ng UST ang first set makaraang basagin nina
Carlo Lubi t Bong Boongaling ang 23-all na pagtatabla
sa pamamagitan ng dalawang sunod na kills.
Nakabawi ang FEU sa second set nang nagbida sa
matinding pag-atake sa net sina Pedegrosa at Caganda
upang iltag ang 24-28 bentahe.
Huling naitabla ang talaan sa fourt set,13-all nang
magsanib ng puwersa sina dela Cruz at Pedegrosa upang
gibain ang depensa ng Growling Tigers at kunin ang
20-16 bentahe.
Nakumpleto naman ng La Salle ang 'three-peat' sa
women's division makaraang pataubin ang
Adamson,25-18,19-25,25-17,25-21 kung san tinanghal si
Desiree Hernandez na naglalaro sa kanyang huling taon
sa Lady Archers,bilang MVP. GEN PASTORFIDE
-30-

editorial pae, SAKSI (08OKT05)

October 8 - Saturday

Hit ListNi Danny Gravador

Head:H-way crime

MALALAKAS ang loob ng mga kawatang gumagala sa kahabaan ng McArthur Highway sa Bulacan mula sa Meycauayan hanggang sa mga bayan ng Marilao, Balagtas at Bocaue.Walang pinipiling oras ang masasamang elementong ito at kahit katanghaliang tapat ay umaatake sila sa kanilang bibiktimahin na karamihan ay mga estudyante sa mga paaralang pampubliko at pribado.Tinatarget ng mga dorobong ito ang suot na alahas ng mga kabataang mag-aaral o kaya'y ang dala-dalang cellphone .Kadalasang nagaganap ang mga ganitong pangyayari sa Meycauayan Crossing, sa kanto ng Bocaue, sa harap ng palengke ng Balagtas at sa Sta. Maria by-pass.Matamang sinusubaybayan ng sindikatong ito ng mga dorobo ang kanilang bibiktimahin at kapag napag-isa ito sa karamihan ng tao ay pagsasalikupan nila at saka tutukan ng patalim hanggang sa matinding takot ng biktima ay kusa na niyang ibinibigay ang kanyang mga alahas o cellphone.Kung minsan naman ay may dalang motorsiklo ang grupong ito na ang gawain ay hablutin ang anumang bagay na mapapakinabangan sa biktima at saka sisibat palayo.Sapi-sapin na ang mga ganitong blotter sa mga police station sa naturang mga bayan subalit tila natutulog sa pansitan ang pulisya.Kaya nga nagaganap ang ganitong pangdarambong sa mga lansangan ay dahil kulang na kulang sa police visibility gayong tadtad na sila ng reklamo sa mga ganitong modus operandi.
---**--Pero nasa magulang din ang isang malaking dahilan kung bakit napapasuong sa ganitong bagay ang kanilang mga anak na mag-aaral dahil alam naman nilang maraming masasamang elemento ang gumagala ngayon sa kapaligiran, subalit hindi pinagbabawalan ang kanilang mga anak na magsuot ng alahas o magdala ng cellphone papasok sa paaralan.Marami na ring reklamo ang tinanggap ng inyong lingkod hinggil sa bagay na ito kaya paalala rin sa magulang at mag-aaral ang hangad natin.Hihintayin pa ba ninyo na isa sa mga anak ninyoang maging biktima ng mga dorobong ito sa lansangan? Magsikilos naman kayo riyan!
-30-
Tirada Ni Joey Inot

Head:Meycauayan

TATLONG malalaking pangalan sa Meycauayan ang posibleng lumahok sa labanan sa pulitika sa nasabing bayan sa darating na halalan sa 2007. Matatapos na kasi ang termino ni Mayor Eddie Alarilla sa nasabing taon kaya marami ang kakasa sa nasabing posisyon.Isa sa mga baguhang political contender sa mayoral race ay ang Unang Ginang ng Meycauayan na si Joan Alarilla. Balita rin na lalahok rin daw sa mayoral race si Vice Mayor Dennies Carlos at ang first councilor ng Meycauayan na si Konsehal Kaloy Milan.Ganyan talaga sa pulitika, kasalukuyang pinupulsuhan ng mga manghahalal sa nasabing bayan kung sino ang karapat-dapat na mamumuno sa kanilang bayan kapag natapos na ang tatlong termino ni Mayor Alarilla.Alam naman natin ang labanan sa pulitika ngayon. Bukod sa popularidad ay kailangan pa rin ang 'logistics' ibig kong sabihin, kung wala kang sapat na salaping panggastos sa pulitika ay huwag ka na lang lumaban.
----**--Kung bakit kasi 'perahan' na ang takbo ng pulitika sa kasalukuyan. Nasanay na ang mga botante na sa panahon ng eleksiyon ay may mga pulitikong namumudmod ng pera.Ayaw sanang gawin ito ng mga kandidato pero napipilitan silang magpamigay ng pera dahil karamihan sa mga botante ay mukhang salapi. Hindi rin naman masisisi ang mga botante kung tumanggap man sila ng pera dahil ito na raw ang kalakaran ngayon.Hindi ito magandang ehemplo, pero paano naman ang gagawin ng isang kandidato para siya ay manalo? Kung ang kalaban niya ay handang magtapon ng salapi para manalo, papayag ba naman ang kanyang mga kalaban na maghalukipkip na lang?
-30-
KasanggaNi Mario Batuigas

Head:Kapitan

TALAGANG matutuloy na raw sa Oktubre 2007 ang halalang pambarangay, sana naman para tuluyan nang mapalitan ang mga abusado at korap na opisyal ng barangay.Kung hindi sana nagkaroon ng pag-amyenda ang Kongreso sa Konstitusyon natin, sana nitong Oktubre 2005 ay matutuloy na ang halalang pambarangay, subalit iginiit ng Kongreso na walang badyet kung kaya sa 2007 na lamang ito gaganapin.Sobra na ang pagkasabik ng ating mga kababayan na matuloy ang eleksyon para makapili na sila ng karapat-dapat na manunungkulan sa kanilang barangay.Ang atin lamang panawagan sa ating mga kababayan ay pumili ng karapat-dapat na umupo at mamuno sa kanilang barangay, hindi iyon nabigyan mo lamang ng konting grasya ay iboboto na niya ang kandidatong bulok at mangungurakot.Hindi ba ninyo alam na ang ibinigay ng pulitko sa inyong konting grasya ay babawiin din niya ito sa kanyang panunungkulan.Katulad na lamang diyan sa Sapang Palay, San Jose del Monte , Bulacan na ang kanilang kapitan ay masasabing iskuwater dahil walang sariling bahay at nangungupahan lamang ito.Ang nakapagtataka simula nang manungkulan ang pinuno ng barangay na ito ay biglang nagkaroon ng award ng lupa sa NHA, gayung marami sa ating mga kababayan ang nararapat na magkaroon ng sariling lupa lalo na iyong mahihirap.Sinamantala na ng kapitan na ito ang kanyang kapangyarihan, pati ang kanyang kagawad na produkto lamang ng pandaraya ay nagkaroon din ng sariling award sa NHA matapos na dumikit ng husto kay Kap.Desperado na ang Kapitan na ito, akalain ninyong kumita lamang ng kakarampot mula sa kanyang programang basura ipagpapalit na nito ang kalusugan ng kanyang mga constituent.Palibhasa wala kang sariling bahay lintek , kaya pursigido kang tapunan ng basura ang harap ng maraming kabahayan.Tinitiyak ng mga residente na hindi ito mananalo sa susunod na halalan dahil sa pagyurak at paglapastangan nito sa pagkatao at kalusugan ng mamamayan.---**--May isa pang pumupormang tatakbong Kapitan sa area-B, ang hindi alam ng mga residente, sakaling manalo ang taong ito bilang punong barangay, tiyak pulos kinokolektahan sa iba't ibang lugar sa Metro Manila at lalawigan.Paano na kung maging kapitan ang taong ito, kung sa ibang lugar nagagawa na mambraso sa mga tulak ng droga, illegal logging operators at gambling lord, eh di lalo nitong magagawa ang kanyang kalokohan sa kanyang sariling barangay.Kaya roon sa ating mga kababayan sa area-B, mag-isip kayo ng maraming beses bago kayo magdesisyon na iboto ang mga taong ito.
-30-
editorial

head:Marahas

MASYADONG madudugo ngayon ang dispersal operation kontra sa mga nagpoprotesta.Hindi na kasi ipinatutupad ang maximum tolerance at wala na silang paggalang sa kalayaan sa pamamahayag na pinoproteksiyunan ng Saligang Batas.Higit na mapait ang mararanasan ng mga ralista kapag ipinatupad ang "Anti- Terrorism Bill" dahil mas mabangis ito kaysa sa pinairal na Martial Law ni dating Pangulong Marcos.Ang mga batas na pinagtitibay sa ngayon, ay hindi upang magkaroon ng trabaho at pagkain ang ordinaryong tao kundi kung paano MANANATILI sa Malacanang ang mga kasalukuyang may kontrol nito.Kaawa-awa talaga si Juan.
----30--

vismin page ,SAKSI (08OKT05)

HEAD:
20 kabahayan tinupok ng apoy

CEBU CITY-Kasalukuyan iniimbestigahan ng Kagawad ng Pamatay Sunog ang naganap na sunog sa Sitio Bonbonan, Barangay Calamba.
Ayon kay kay Cebu City Fire Marshal Supt. Ismael Codilla , sa bahay ng isang Gwen Pacaña nag-ugat ang apoy kung saan nabatid na hindi rin nakikipag-cooperate ang kasama nito sa bahay.Magugunitang tinupok ng apoy ang 20 kabahayan na nagkakahalaga ng P250,000 samantalang wala namang napaulat na nasawi o nasugatan sa insidente. A.F

banner:KOMENTARISTA DINAKIP

DAVAO DEL SUR--Inaresto ang dating komentarista ng (DXDS) Radyo Ukay matapos maipalabas ang warant ofarest ng RTC Branch 18 ni Judge Marivic Daray.Matatandaan na apat na taon ang nakalipas nang magtrabaho bilang komentarista si Emerito EmieAlfafara nang banatan niya sa himpapawid si Congressman Douglas Dodo Cagas ng Davao del Sur.Binigyan naman ng Regional Trial Court Branch 18 ng karapatang makapagpiyansang 20,000 sa pansamantalang kalayaan.Inaasahan naman ng komentarista na patatawarin siya ng Kongresista dahil sa nagkaroon siya ng mildstroke at wala siyang pangpiyansa. Benjie Caballero
HEAD:Crisis teams kontra cyber-terrorism
CEBU CITY--Bumubuo ng crisis team kontra sa cyber terrorism kung saan nabiktima maging ang Philippines banking and telecommunications firms at iba pang sektor . Isiniwalat ito ni Commission on Information and Communications Technologoy (CICT) Commissioner Angelo Timoteo de Rivera sa naganap na 2nd Asean Regional Forum (ARF) Seminar on Cyber-Terrorism.Dinaluhan ng 49 delegado mula sa 16 ARF countries ang nasabing seminar sa Waterfront Cebu City Hotel . Layunin nito na sugpuin ang cyber-terrorism.Tinalakay din kung papaano mapoproteksiyunan ang isang bansa at paglutas sa crisis management . A.F

head:KANO BINUGBOG

DAVAO CITY- Bugbog-sarado ang isang American national nang magwala sa loob ng isang beerhouse sa naturang lugar.
Naghihimas ng rehas ang suspek na si Michaeal Duarton,42 ng Hawaii at pansamantalang naninirahan sa Gulf View, Bago Aplaya.
Nabatid na nagwala ang suspek sa loob ng hindi pinangalanan beerhouse sa CM Recto Street in Davao City. Pinilit awatin ng mga bouncer ang suspek ngunit nagpatuloy pa rin ito sa pagwawala dahil sa walang ipambabayad kung kaya't ito binugbog. Axl Cruz

ffor Saksi Ngayon

Column: SIKWATni Uriel Cruz Vallecera

HULGA

KUYAW gayod kaayo ang kianbuhi sa mga personahenga anaa sa media. Sa Cebu City, hangtod karon wala pagayod kahatagi og hustisya ang kamatayon saphotojournalist sa The Freeman-Banat News nga si AllanDizon. Gihulga pa gani lakip ang iyang asawa.
Karon ania na usay laing sakop sa media nganag-ungaw sa kakuyaw ang kahimtang. Siya si ArtBagcat, section editor sa Bantay Balita Newspaper salalawigan sa Bohol.
Matod pa ni Bagcat nga kanunay siyang makadawat oghulga nga ipaagi sa text nga mag-ingon: "Puslan mannga naingon kami niini, mag-uban na lang ta saimpiyerno. Ayaw'g kompiyansa kay anaay mga mata nganagsunod-sunod nimo kanunay."
Nagtuo si Bagcat nga ang hulga nga iyang nadawatmay kalabotan sa iyang gisulat nga balita bahin saduha ka BIR officials nga nasakpang mangilkil unta sausa ka konsehal sa Panglao, Bohol.
Si Bagcat ang nakakuha sa mas komprehensibongreport sa maong hitabo didto sa Cebu City ug nagtuosiyang ang naghulga kaniya mao ang mga tawo nganaapektohan sa pagkabulilyaso sa maong raket. Hinuon,gitamgaban nako si Bagcat nga magbantay gayod kanunay.
-o0o-
Hangtod karon ingon sa walay pagkunhod ang kaso sapagpanulis sa Cebu City. Hapit kada adlaw gihaponkitang makadungog og balita nga may gitulis luyo sakamatuoran nga nasikop na ang duha ka notadong tulisannga sila si Rey Torres ug Danny Limotan.
Dili pa lang dugay may bangko na usab nga gitulis.Ang maong hitabo gisundan gilayon sa laing pagpanulissa dalan A. Soriano. Ang mga tulisan nanagsakay ogbisikleta.
Usa kini sa bantayanan karong panahona. Kining mgatulisan nga magbisikleta angay bantayan kay daghan naang nabiktima niining maong mga tawo. Kinahanglan ngamagmainampingon gayod kanunay ang mga lungsoranontungod kay midagsang karon pag-ayo ang tulis sa Sugbo.----30--

Tuesday, October 04, 2005

karangalan, kahihiyan

Editorial (05Okt05)

MAGANDA ang tayming ang pag-uwi ni Miss International Precious Lara Quigaman ; at ang pagparada ng tatlong boxing greats na sina Manny Pacquiao, Brian Viloria at Boom Bautista.
Kahit paano, nagkaroon ng maganda at kaaaya-ayang balita ang media.
Nahimasmasan din o nagkaroon ng pamutat ang mga pulitikong pulpol na nagbabalitaktakan. Dapat ay parangalan ng mga kongesista at senador ang apat na dakilang Pinoy na naghatid sa pangalan ng Pilipinas sa mapa ng daigdig. Hindi matatawaran ang kanilang iniambag na karangalan taliwas sa malaking kahihiyan na inihahatid ng mga mambabatas at matataas na opisyal ng gobyerno.
Isang malaking kahihiyan ang mga politiko—at isang dambuhalang dignidad at integridad ng bansa sina Quigaman, Pacquiao, Viloria at Bautista.
Mabuhay kayo!
---30---